Sath Apnay jo Mujhay Yar ny Sonay Na Dia

 Sath Apnay jo Mujhay Yar ny Sonay Na Dia

 Raat Bhar Mujh ko Dil e Zar Ny Sonay Na Dia

ساتھ اپنے جو مُجھے یار نے سونے نہ دیا
رات بھر مُجھ کو دلِ زار نے سونے نہ دیا

خواب ہی میں نظر آتا وہ شبِ ہجر کہیں
سو مُجھے حسرتِ دیدار نے سونے نہ دیا

خفتگی بخت کی کیا کہیے کہ جز خوابِ عدم
عمر بھر دیدہِ بیدار نے سونے نہ دیا

یہی صیاد گِلا کرتا ہے میرا ہر صبح
نالہِ مرغِ گرفتار نے سونے نہ دیا

سمجھے تھے بعدِ فنا پائیں گے راحت ناسخؔ
حشر تک وعدہِ دیدار نے سونے نہ دیا

اﻣﺎﻡ ﺑﺨﺶ ﻧﺎﺳﺦؔ