Bs sawalat ky dyta hai jawabat mujhay baat hoti hai | magar baat nahi hoti hai| Trending Poetry

Bs sawalat ky dyta hai jawabat mujhay

baat hoti hai magar baat nahi hoti hai

ye mulāqāt mulāqāt nahīñ hotī hai

baat hotī hai magar baat nahīñ hotī hai

bāryābī kā burā ho ki ab un ke dar par

agle vaqtoñ kī mudārāt nahīñ hotī hai

ġham to ghanghor ghaTāoñ kī tarah uThte haiñ

zabt kā dasht hai barsāt nahīñ hotī hai

ye mirā tajraba hai husn koī chaal chale

bāzi-e-ishq kabhī maat nahīñ hotī hai

vasl hai naam ham-āhañgī o yak-rañgī kā

vasl meñ koī burī baat nahīñ hotī hai

hijr tanhā.ī hai sūraj hai savā neze par

din hī rahtā hai yahāñ raat nahīñ hotī hai

zabt-e-girya kabhī kartā huuñ to farmāte haiñ

aaj kyā baat hai barsāt nahīñ hotī hai

mujhe allāh kī qasam sher meñ tahsīn-e-butāñ

maiñ jo kartā huuñ merī zaat nahīñ hotī hai

fikr-e-taḳhlīq-e-suḳhan masnad-e-rāhat pe hafīz

bā.is-e-kashf-o-karāmāt nahīñ hotī hai

یہ ملاقات ملاقات نہیں ہوتی ہے

بات ہوتی ہے مگر بات نہیں ہوتی ہے

باریابی کا برا ہو کہ اب ان کے در پر

اگلے وقتوں کی مدارات نہیں ہوتی ہے

غم تو گھنگھور گھٹاؤں کی طرح اٹھتے ہیں

ضبط کا دشت ہے برسات نہیں ہوتی ہے

یہ مرا تجربہ ہے حسن کوئی چال چلے

بازیٔ عشق کبھی مات نہیں ہوتی ہے

وصل ہے نام ہم آہنگی و یک رنگی کا

وصل میں کوئی بری بات نہیں ہوتی ہے

ہجر تنہائی ہے سورج ہے سوا نیزے پر

دن ہی رہتا ہے یہاں رات نہیں ہوتی ہے

ضبط گریہ کبھی کرتا ہوں تو فرماتے ہیں

آج کیا بات ہے برسات نہیں ہوتی ہے

مجھے اللہ کی قسم شعر میں تحسین بتاں

میں جو کرتا ہوں میری ذات نہیں ہوتی ہے

فکر تخلیق سخن مسند راحت پہ حفیظ

باعث کشف و کرامات نہیں ہوتی ہے