Shaam se pahle tirī shaam na hone dūñgā | zindagī maiñ tujhe nākām na hone dūñgā

شام سے پہلے تری شام نہ ہونے دوں گا

زندگی میں تجھے ناکام نہ ہونے دوں گا

اڑتے اڑتے ہی بکھر جائیں پر و بال اے کاش

طائر جاں کو تہہ دام نہ ہونے دوں گا

بے وفا لوگوں میں رہنا تری قسمت ہی سہی

ان میں شامل میں ترا نام نہ ہونے دوں گا

کل بھی چاہا تھا تجھے آج بھی چاہا ہے کہ ہے

یہ خیال ایسا جسے خام نہ ہونے دوں گا

لگنے دوں گا نہ ہوا تجھ کو خزاں کی میں ظفرؔ

پھول جیسا ترا انجام نہ ہونے دوں گا

shaam se pahle tirī shaam na hone dūñgā

zindagī maiñ tujhe nākām na hone dūñgā

uḌte uḌte hī bikhar jaa.eñ par-o-bāl ai kaash

tā.ir-e-jāñ ko tah-e-dām na hone dūñgā

bevafā logoñ meñ rahnā tirī qismat hī sahī

in meñ shāmil maiñ tirā naam na hone dūñgā

kal bhī chāhā thā tujhe aaj bhī chāhā hai ki hai

ye ḳhayāl aisā jise ḳhaam na hone dūñgā

lagne dūñgā na havā tujh ko ḳhizāñ kī maiñ 'zafar'

phuul jaisā tirā anjām na hone dūñgā