New Fatima Blog

This blog is about khwab ki tabeer, Turkish dramas Dubbed in Urdu, Poetry, Naat and cooking videos.

Saturday, November 7, 2020

Saheli (Ali Zaryoun)

Saheli 

! سہیلی

saheli


تو ایک آیت ، تو ایک خوشبو
تو اک صحیفہ ،تو اک پہیلی
مری سہیلی 
مری سہیلی ! تو روشنی کے قدیم قصبوں کی طاق راتوں کی انجمن ہے 
وہ آنکھ اندھی ! جو تجھ کو دیکھے اور اس پہ سمجھے کہ تو بدن ہے
بدن کہاں ہے 
بدن تو پہلے مراقبے میں ہی جل گیا تھا 
جمالِ جاناں کی شعلگی سے یہ طورِ سینا پگھل گیا تھا
مری سہیلی 
"بدن بہاؤ " میں بہنے والوں کو کیا خبر ہے
کہ اس بہاؤ کے تیز پانی کی یہ روانی تو صرف شک ہے 
بدن تلک ہے 
ہوس کے ہاتھوں ذلیل ہوتے تماش بینوں کی ان جبینوں پہ لکھنے والے نے لکھ رکھا ہے
کہ ان کو دیکھو 
یہ جانور ہیں 
مری سہیلی یہ ایسے موذی ،یہ ایسے مکری
تو ان کو دیکھے تو ان کے چہروں پہ ان کی نیت کی گندگی کا نشاں نہ پائے 
کہیں یہ دانش کا روپ دھاریں
کہیں تصوف کا جھوٹ اوڑھیں
کہیں یہ شاعر 
کہیں مسیحا 
کہیں یہ کچھ ہیں 
ازل سے اب تک یہ ہر جگہ ہیں
یہ بے پنہ ہیں 
مگر سہیلی 
یہ لوگ کچھ ہوں 
کسی جگہ ہوں 
ہزار شکلوں ،ہزار لہجوں ،ہزار قصوں کے ساتھ آئیں 
تری نگاہوں کی سبز جھلمل نہ چھو سکیں گے 
میں تیری عزت میں تیری چادر 
میں تیرے جذبوں کا سبز پردہ 
کہ میں محبّت کی شعلگی ہوں 
کہ میں علی ہوں 

Meri Saheli
Tu Aik Aayat
Tu aik Khushbu
Tu Ek Saheefa
Tu Ek Paheli
Meri Saheli!
Meri Saheli Tu Roshni Kay Qadeem Qasbon Ki Taaq Raaton Ki Anjuman Hay
Wo Aankh Andhi Jo Tujh Ko Dekhe Aur Us pe Samjhe K Tu Badan Hay!!
Badan Kahan Hay!!
Badan To Pehle Muraqabe Mien He Jal Gya Tha
Jamal e Jaanan Ki Shoulagi Say
Yeh Toor e Seena Pighal Gya Tha !
Meri Saheli
" Badan Bahao" mien Behne Walon ko Kya Khabar Hay
K Es Bahao Kay Taiz Pani ki Yeh Rawani To Sirf Shak Hay
Badan talak Hay
Hawas Kay Hathon zaleel Hotay Tamash beenon ki in Jabeenon Pe likhne walay nay Likh Rakha Hay
K in ko Dekho Yeh Janwar Hain !
Meri Saheli
Yeh aiese Moozi Yeh Aiese Makri!
Tu in ki Dekhe To in Kay Chehron Say In Ki Niyyat Ki Gandagi Ka Nishan Na Paaye!
Kahin Yeh Danish Ka Roop Dhaarain
Kahin Tasawwuf Ka Jhot Aourhen
Kahin Yeh Shayer
Kahin Maseeha
Kahin Yeh Kuch Hain
Azal Say Ab Tak Yeh Har Jagah Hain
Yeh Bay Panah Hain
Magar Saheli
Yeh Log Kuch Hon
Kisi Jagah Hon
Hazar Shaklon, Hazar Lehjon,Hazar Qisson Kay Sath Aayen
Teri Nigahon Ki Sabz Jhilmil Na Chu Saken Gey
Main Teri Izzat Main Teri Chadar!
Main Tere Jazbon Ka Sabz Parda!
K Main Mahabbat Ki Shoulagi Hon
K Main Ali Hon
Alizaryoun 

No comments:

Post a Comment