Rab Merya kun kho lynda ay mawan nu

 

Rab Merya kun kho lynda ay mawan nu,punjabi poetry


Poet: Tariq Iqbal Hawi
Rab Merya kun kho lynda ay mawan nu
jannat jihan thandian mithian chawan nu

جنت جیہیاں ٹھنڈیاں مِٹھیاں چھانواں نوں
رب میریا کیوں کھو لینا ایں ماواں نوں


rowan rowan tak tak ghar dian sarian thawan nu

Rab Merya kun kho lynda ay mawan nu


روواں تَک تَک گھر دیاں ساریاں تھانواں نوں

رب میریا کیوں کھو لینا ایں ماواں نوں


jhootay moun nal sanu jirkian mardi si

rus ky wi maan saday kam sanwar di si


جھوٹے مُنہ نال سانوں جِھڑکاں ماردی سی
رُس کے وی ماں ساڈے کم سنوار دی سی


chaitay kar kar roiay us di wafawan nu

Rab Merya kun kho lynda ay mawan nu


چَیتے کر کر روئیے اُسدی وفاواں نوں

رب میریا کیوں کھو لینا ایں ماواں نوں

bhul ky saday saray changay manday nu

kin tu phar ky samb lyndi si jhagray nu

بُھل کے ساڈے سارے چنگے مندڑے نوں
کَن تو پَھڑ کے سانبھ لیندی سی جھگڑے نوں


kon joray hun rosyan bhain bharawan nu

Rab Merya kun kho lynda ay mawan nu


کون جوڑے ھُن رُسیاں بَھین بَھرواں نوں

رب میریا کیوں کھو لینا ایں ماواں نوں

photo teri dekh ky akhen sukh bhar dy

tasbeeh teri chum ky sab dukh marday

فوٹو تیری ویکھ کے اکِھیں سُکھ بَھردے
تسبیح تیری چُم کے سارے دُکھ مَردے


soongh ky chadar thand jy paindi sawan nu

Rab Merya kun kho lynda ay mawan nu


سُونگھ کے چادر ٹھنڈ جئی پیندی ساہواں نوں

رب میریا کیوں کھو لینا ایں ماواں نوں

  mawan bajoon ghar wich rehmat nahi rehndi

sach ay hawi ghaibi barkat nahi rehndi

ماواں باجھوں گھر وِچ رحمت نہیں رہندی
سچ اے حاوی غیبی برکت نہیں رہندی


koe na sambay putran dian tankhawan nu

Rab Merya kun kho lynda ay mawan nu


کوئی نہ سانبھے پُتراں دیاں تنخاواں نوں

رب میریا کیوں کھو لینا ایں ماواں نوں

Post a Comment

0 Comments