woh dil Nawaz hai lekin nazar shanaas nahi
mra ilaaj marey charah gir ke paas nahi
tarap rahay hain zuba par kayi sawal magar
marey liye koi Shayan iltamas nahi
tre jalo mein bhi dil kanp kanp uthta hai
marey mizaaj ko aasoudgi bhi raas nahi
kabhi kabhi jo tre qurb mein guzaray thay
ab un dinon ka tasawwur bhi mere paas nahi
guzar rahay hain ajab marhalon se deedaa o dil
sehar ki aas to hai zindagi ki aas nahi
mujhe yeh dar hai tri arzoo nah mit jaye
bohat dinon se tabiyat meri udaas nahi
nasir kazmi
وہ دل نواز ہے لیکن نظر شناس نہیں
مرا علاج مرے چارہ گر کے پاس نہیں
تڑپ رہے ہیں زباں پر کئی سوال مگر
مرے لیے کوئی شایان التماس نہیں
ترے جلو میں بھی دل کانپ کانپ اٹھتا ہے
مرے مزاج کو آسودگی بھی راس نہیں
کبھی کبھی جو ترے قرب میں گزارے تھے
اب ان دنوں کا تصور بھی میرے پاس نہیں
گزر رہے ہیں عجب مرحلوں سے دیدہ و دل
سحر کی آس تو ہے زندگی کی آس نہیں
مجھے یہ ڈر ہے تری آرزو نہ مٹ جائے
بہت دنوں سے طبیعت مری اداس نہیں
ناصرؔ کاظمی
0 Comments