سوارانِ غزل راسیں نہ زینیں ڈھونڈتے ہیں
ہم اِس بٙرّاق پر سرپٹ زمینیں ڈھونڈتے ہیں
ہم آئے ہیں چل اُٹھ کے، چُوم پیشانی ہماری
ارے سجدے بھی ہم جیسی جبینیں ڈھونڈتے ہیں
فلک کے راز میں جب اس زمیں پر کھولتا ہوں
تو دُوراندیش اپنی دُور بینیں ڈھونڈتے ہیں
محبت اور ہوس کو مختلف جو لوگ سمجھے
وہ انسانوں کی صورت میں مشینیں ڈھونڈتے ہیں
چڑھائے آستینیں میں جو نکلوں تو سپیرے
پٹاری کھولتے ہیں اور بینیں ڈھونڈتے ہیں
بدل دیتا ہوں میں شاہوں کو آہوں میں اچانک
وہ اِس کے بعد اپنی اپنی شینیں ڈھونڈتے ہیں
عامر امیر
swaran-e-ghazal raseN na zeeneN dhoondtay heN
hm is bٙarraq pr sr pt zmeneeN dhoindtay heN
hm aae hain chl uth kay choom peshani hmari
aray sjday bhi hm jesi jbeneN dhoondtay heN
falak kay raz meN jb is zmeeN pr kholta huN
to door-andesh apni door beeneN dhoondtay heN
mhobat or hawas ko mukhtlif jo log smjhay
Wo insanoN ki soorat meN msheeneN dhoondtay heN
chrhae'ay aasteineN meN jo nikluN to speray
ptari kholtay heN or beenen dhoondtay heN
bdl deta huN meN shahoN ko aahoN meN achank
Wo is kay bad apni apni sheneN dhoondtay heN
Amir Ameer
0 Comments