سُنا تُو نے نہیں اب تک تو سُن، پیاری ہماری
بمع سب ناز نخروں کے تُو ہے ساری ہماری
اگرچہ اُس کو بھی ملتے ہیں ہم تیّار ہو کر
مگر کچھ مختلف ہوتی ہے تیّاری ہماری
یہ کیا کہ تُم مسلسل پیار کرتے جا رہے ہو
رہا ایسا، تو کیسے آئے گی باری ہماری؟
مریضِ عشق ہُوں، تیمار دارو! دُور رہیئو
کِسی کو ہم سے لگ جائے گی بیماری ہماری
محبت جُرم ہے، اور ہم سزاوارِ محبت
سو ہم پر کاٹ پرچہ، لے گِرِفتاری ہماری
محبت کے مخالف اب بھی تٙھر تٙھر کانپتے ہیں
ہے اُن پر ایسی ہیبت آج بھی طاری ہماری
۔۔۔۔عامر امیر۔۔۔۔
Suna tu ne nahi ab tak to sun, piari hamari!
B,ma sab naz nakhro'N k tu he sari hamari
Agarche us ko bhi miltey hain ham tayyar ho kar
Magar kuch mukhtalif hoti he tayyari hamari
Ye kya k tum musalsal piar kartey ja rhe ho
Raha esa, to kese ae gi bari hamari?
Mareez-e- ishq hu, teemar daro! door rahio
Kisi ko ham se lag jae gi beemari hamari
Mhobat jurm he or ham saza war-e- mhobat
So ham par kat parcha, le giriftari hamari
Mhobat k mukhalif ab bhi thar thar kanptey hain
He un par esi haibat aj bhi tari hamari
۔...Amir Ameer.....
0 Comments