is ki aankhon mein mohabbat ka sitara ho ga | aik din aaye ga woh shakhs hamara ho ga | Wasi Shah Urdu Ghazal

  اس کی آنکھوں میں محبت کا ستارہ ہو گا

ایک دن آئے گا وہ شخص ہمارا ہو گا

تم جہاں میرے لئے سیپیاں چنتی ہو گی

وہ کسی اور ہی دنیا کا کنارہ ہو گا

زندگی! اب کے مرا نام نہ شامل کرنا

گر یہ طے ہے کہ یہی کھیل دوبارہ ہو گا

جس کے ہونے سے میری سانس چلا کرتی تھی

کس طرح اس کے بغیر اپنا گزارا ہو گا

یہ اچانک جو اجالا سا ہوا جاتا ہے

دل نے چپکے سے ترا نام پکارا ہو گا

عشق کرنا ہے تو دن رات اسے سوچنا ہے

اور کچھ ذہن میں آیا تو خسارہ ہو گا

یہ جو پانی میں چلا آیا سنہری سا غرور

اس نے دریا میں کہیں پاؤں اُتارا ہو گا

کون روتا ہے یہاں رات کے سناٹوں میں

میرے جیسا ہی کوئی ہجر کا مارا ہو گا

مجھ کو معلوم ہے جونہی میں قدم رکھوں گا

زندگی تیرا کوئی اور کنارہ ہو گا

جو میری روح میں بادل سے گرجتے ہیں وصی

اس نے سینے میں کوئی درد اتارا ہو گا

کام مشکل ہے مگر جیت ہی لوں گا اس کو

میرے مولا کا وصی جونہی اشارہ ہو گا۔۔

is ki aankhon mein mohabbat ka sitara ho ga

aik din aaye ga woh shakhs hamara ho ga



tum jahan mere liye seepiyan chunti ho gi

woh kisi aur hi duniya ka kinara ho ga



zindagi! ab ke mra naam nah shaamil karna

gir yeh tay hai ke yahi khail dobarah ho ga



jis ke honay se meri saans chala karti thi

kis terhan is ke baghair apna guzaraa ho ga



yeh achanak jo ujala sa sun-hwa jata hai

dil ne chupkay se tra naam puraka ho ga



ishhq karna hai to din raat usay sochna hai

aur kuch zehen mein aaya to khasara ho ga



yeh jo pani mein chala aaya sunehri sa ghuroor

is ne darya mein kahin paon utaara ho ga



kon rota hai yahan raat ke sanaton mein

mere jaisa hi koi hijar ka mara ho ga



mujh ko maloom hai jounhi mein qadam rakhon ga

zindagi tera koi aur kinara ho ga



jo meri rooh mein baadal se garajte hain wasii

is ne seenay mein koi dard utaara ho ga



kaam mushkil hai magar jeet hi lon ga is ko

mere maula ka wasii jounhi ishara ho ga. .