Hayat Ye to Nahi Jee Raha Hai Tu |Hayat ye Hai Teray Bad tera Nam Raha |Itibaf Abrak

Hayat Ye to Nahi Jee Raha Hai Tu |Hayat ye Hai Teray Bad tera Nam Raha |Itibaf Abrak

تمام عمر یہی کارِ ناتمام رہا

سنورنا شوق بکھرنا ہمارا کام رہا

گلہ ذرا بھی نہیں صید یا قفس سے کوئی

کہ شوق شوق میں خود بندہ زیرِ دام رہا

شبِ فراق ملی عمرِ انتظار ملی

حیاتِ ارض میں کیا کیا نہ اہتمام رہا

ہمیں تھا حکم کہ خونِ جگر لٹاتے رہو

ورق ورق پہ بہانا لہو سو کام رہا

حیات یہ تو نہیں ہے کہ جی رہا ہے تو

حیات یہ ہے ترے بعد تیرا نام رہا

ملیں تو کس سے ملیں کیوں ملیں۔ نہیں ملنا

جب ایک وہ نہ ملا جس سے ہم کو کام رہا

بڑھا رہا ہوں فقط زیبِ داستاں کے لئے

وگرنہ سچ تو یہی ہے کہ خالی جام رہا

ہزار نیندوں کا خود خواب بن کے بھی ابرک

کسی بھی خواب سے میرا کوئی نہ کام رہا

۔۔۔۔۔اتباف ابرک

دریا کے اس طرف جو تو بیٹھا دکھائی دے  

پھر کیا کسی کو بیچ میں دریا دکھائی دے 

ابھی نہ چھیڑ محبت کے گیت اے مُضطرِب

ابھی حیات کا ماحول ____ خوش گوار نہیں...