usne sukut-e-shab mein bhi apna payam rakh diya | Ahmed Faraz Poetry| Tiktok Poetry

 usne sukut-e-shab mein bhi apna payam rakh dya,Ahmed Faraz Poetry,Urdu Poetry,Famous poetry,love poetry,ghazal,Best Ghazals

اس نے سکوت شب میں بھی اپنا پیام رکھ دیا


ہجر کی رات بام پر ماہ تمام رکھ دیا


آمد دوست کی نوید کوئے وفا میں عام تھی

میں نے بھی اک چراغ سا دل سر شام رکھ دیا


شدت تشنگی میں بھی غیرت مے کشی رہی

اس نے جو پھیر لی نظر میں نے بھی جام رکھ دیا


اس نے نظر نظر میں ہی ایسے بھلے سخن کہے

میں نے تو اس کے پاؤں میں سارا کلام رکھ دیا


دیکھو یہ میرے خواب تھے دیکھو یہ میرے زخم ہیں

میں نے تو سب حساب جاں بر سر عام رکھ دیا


اب کے بہار نے بھی کیں ایسی شرارتیں کہ بس

کبک دری کی چال میں تیرا خرام رکھ دیا


جو بھی ملا اسی کا دل حلقہ بگوش یار تھا

اس نے تو سارے شہر کو کر کے غلام رکھ دیا


اور فرازؔ چاہئیں کتنی محبتیں تجھے

ماؤں نے تیرے نام پر بچوں کا نام رکھ دیا 

شاعر 

احمد فراز