Pheink yun pathar ke satah aabb bhi boujhal nah ho| Iqbal Sajid Poetry

pheink yun pathar ke satah aabb bhi boujhal nah ho

naqsh bhi ban jaye aur darya mein bhi halchal nah ho

khol yun muthi ke ik jugno nah niklay

haath se aankh ko aisay jhapak lamha koi oojhal nah ho

hai safar darpaish to prchhayin ki ungli pakar

raah mein tanhai ke ehsas se pagal nah ho

pehli seerhi pay qadam rakh aakhri seerhi pay aankh

manzlon ki justojoo mein raaygan ik pal nah ho

zehen khaali ho gaye hain waqt ke ehsas se

samnay woh masla rakh jis ka koi hal nah ho

habs sab ke hi seenon mein hai phela sun-hwa

saanson ka koi shehar aisa nahi jis ki fiza boujhal nah ho

log aksar –apne chehray par charha letay hain khoal

to jisay sona samjhta hai kahin peetal nah ho

justojoo is pairr ki kyun ho ke jo saya nah day

haath is daali pay kya puhanche ke jis par phal nah ho

roz o shab lagta rahay sochon ka Mela zehen mein

shore se khaali kabhi ehsas ka jungle nah ho

garam kar Sajid lahoo ko dheemi dheemi aanch se

waqt se pehlay tre jazbaat mein halchal nah ho

پھینک یوں پتھر کہ سطح آب بھی بوجھل نہ ہو

نقش بھی بن جائے اور دریا میں بھی ہلچل نہ ہو

کھول یوں مٹھی کہ اک جگنو نہ نکلے

ہاتھ سے آنکھ کو ایسے جھپک لمحہ کوئی اوجھل نہ ہو

ہے سفر درپیش تو پرچھائیں کی انگلی پکڑ

راہ میں تنہائی کے احساس سے پاگل نہ ہو

پہلی سیڑھی پہ قدم رکھ آخری سیڑھی پہ آنکھ

منزلوں کی جستجو میں رائیگاں اک پل نہ ہو

ذہن خالی ہو گئے ہیں وقت کے احساس سے

سامنے وہ مسئلہ رکھ جس کا کوئی حل نہ ہو

حبس سب کے ہی سینوں میں ہے پھیلا ہوا

سانسوں کا کوئی شہر ایسا نہیں جس کی فضا بوجھل نہ ہو

لوگ اکثر اپنے چہرے پر چڑھا لیتے ہیں خول

تو جسے سونا سمجھتا ہے کہیں پیتل نہ ہو

جستجو اس پیڑ کی کیوں ہو کہ جو سایہ نہ دے

ہاتھ اس ڈالی پہ کیا پہنچے کہ جس پر پھل نہ ہو

روز و شب لگتا رہے سوچوں کا میلہ ذہن میں

شور سے خالی کبھی احساس کا جنگل نہ ہو

گرم کر ساجد لہو کو دھیمی دھیمی آنچ سے

وقت سے پہلے ترے جذبات میں ہلچل نہ ہو

اقبال ساجد