جو سوچتا ہوں اگر وہ بیان ہو جائے
تو پانی پانی یہ سارا جہان ہو جائے
گلہ ہے آنکھ سے ، اُن کو زبان سے ہے گلہ
قلم کو حکم ہے وہ بے زبان ہو جائے
وہاں پہ راستہ ہجرت ہی صرف ہوتا ہے
جہاں زمین یہ خود آسمان ہو جائے
تو خود ہی سوچ ذرا حال اس گلستاں کا
ِخزاں کے ساتھ جہاں باغبان ہو جائے
کہاں تلک بھلا اُترے کوئی امیدوں پر
کہ سانس سانس جہاں امتحان ہو جائے
یوں ختم ہوتا ہے کردار بار بار مرا
کہ ختم بیچ میں ہی داستان ہو جائے
اندھیری رات صدا دے رہی ہے آندھی کو
ہے پھر بھی ضد کہ دیا خوش گمان ہو جائے
میں وہ دیا ہوں جو سورج کی سوچ سوچتا ہے
جو چاہتا ہے کہ روشن جہان ہو جائے
زمانہ لاکھ برا چاہے خواب توڑے مگر
خدا سے کیسے کوئی بد گمان ہو جائے
میں کیسے مان لوں اس کو برا یہاں ابرک
خلاف جس کے جہاں یک زبان ہو جائے
۔اتباف ابرک
jo sochta hon agar woh bayan ho jaye
to pani pani yeh sara Jahan ho jaye
gilah hai aankh se, unn ko zabaan se hai gilah
qalam ko hukum hai woh be zabaan ho jaye
wahan pay rasta hijrat hi sirf hota hai
jahan zameen yeh khud aasman ho jaye
to khud hi soch zara haal is gulisitan ka
Khizaa ke sath jahan baghban ho jaye
kahan talak bhala utray koi umedon par
ke saans saans jahan imthehaan ho jaye
yun khatam hota hai kirdaar baar baar mra
ke khatam beech mein hi daastaa’n ho jaye
andheri raat sada day rahi hai aandhi ko
hai phir bhi zid ke diya khush gumaan ho jaye
mein woh diya hon jo Sooraj ki soch sochta hai
jo chahta hai ke roshan Jahan ho jaye
zamana laakh bura chahay khawab torrey magar
kkhuda se kaisay koi bad gumaan ho jaye
mein kaisay maan lon is ko bura yahan abrak
khilaaf jis ke jahan yak zabaan ho jaye
.. .. Atibaf abrak
0 Comments