kisi ke gham mein Waqar khona | koi sunay ga to kya kahe ga yeh uth ke raton mein tera rona, koi sunay ga to kya kahe ga

کسی کے غم میں وقار کھونا، کوئی سنے گا تو کیا کہے گا

یہ اٹھ کے راتوں میں تیرا رونا، کوئی سنے گا تو کیا کہے گا

زمانہ چڑھتے شباب کا ہے مگر زمانہ بہت برا ہے

یہ جاگنا شب کو دن میں سونا، کوئی سنے گا تو کیا کہے گا

جو دل میں آیا تو خوب کھیلا، نظر سے اترا تو توڑ ڈالا

کسی کا دل بھی ہے کیا کھلونا، کوئی سنے گا تو کیا کہے گا

بھنور میں کشتی کو چھوڑ دیتے تو آپ پر بات بھی نہ آتی

یہ مجھ کو ساحل پہ لا ڈبونا، کوئی سنے گا تو کیا کہے گا

کہا جو میں نے "ڈرو خدا سے اگر خدائی کا ڈر نہیں ہے"

تو ہنس کے بولے کہ "چپ رہو نا، کوئی سنے گا تو کیا کہے گا"

میں ان سے اقرار چاہتا تھا، وہ مسکرا کر ادا سے بولے

"خدارا جلدی سے کچھ کہو نا، کوئی سنے گا تو کیا کہے گا"

کسی کو شادابؔ کیا غرض ہے جو ساتھ دے دردِ عاشقی کا

سُنا رہے ہو یہ کس کا رونا؟ کوئی سنے گا تو کیا کہے گا

​kisi ke gham mein Waqar khona, koi sunay ga to kya kahe ga

yeh uth ke raton mein tera rona, koi sunay ga to kya kahe ga

zamana charhtay shabab ka hai magar zamana bohat bura hai

yeh jagna shab ko din mein sona, koi sunay ga to kya kahe ga

jo dil mein aaya to khoob khela, nazar se Itra to toar dala

kisi ka dil bhi hai kya khilona, koi sunay ga to kya kahe ga

bhanwar mein kashti ko chore dete to aap par baat bhi nah aati

yeh mujh ko saahil pay laa dabona, koi sunay ga to kya kahe ga

kaha jo mein ne" daro kkhuda se agar khudai ka dar nahi hai "

to hans ke bolay ke" chup raho na, koi sunay ga to kya kahe ga "

mein un se iqraar chahta tha, woh muskura kar ada se bolay

" khudaaraa jaldi se kuch kaho na, koi sunay ga to kya kahe ga "

kisi ko shadab kya gharz hai jo sath day dard aashiqii ka

suna rahay ho yeh kis ka rona? koi sunay ga to kya kahe ga