Na hota dar Mohammad Pbuh ka to dewanay kahan jatay

 ساغر صدیقی

نہ ہوتا در محمدﷺکا تو دیوانے کہاں جاتے

خدا سے اپنے دل کی بات منوانے کہاں جاتے

جنہیں عشقِ محمدﷺنے کیا ادراک سے بالا

حقیقت ان تمنّاؤں کی سمجھانے کہاں جاتے

خدا کا شکر ھے یہ، حجرِ اسود تک رسائی ھے

جنہیں کعبے سے نسبت ھے وہ بتخانے کہاں جاتے

اگر آتی نہ خوشبوئے مدینہ آنکھوں سے

جو مرتے ہیں نہ جلتے ہیں وہ پروانے کہاں جاتے

سمٹ آئے میری آنکھوں میں حُسنِ زندگی بن کر

شرابِ درد سے مخمور نذرانے کہاں جاتے

چلو اچھا ہوا ھے نعتِ ساغر کام آئی

غلامانِ نبیﷺمحشر میں پہچانے کہاں جاتے

صَــلَّــی اللّٰـهُ تَـعَالٰـی عَـلَـیْـہِ وَاٰلِــہ وَسَــــلَّم💗