Tum Buhat Masoom Ho Itni Masoom (Ali Zaryoun)

تم بہت معصوم ہو

اتنی معصوم

کہ تمہیں تو یہ تک نہیں معلوم

کہ کسی کو چھوڑا کیسے جاتا ہے 

تعلق غباروں کی طرح نہیں ہوتے

کہ محبت کی گیس بھری ،

بھروسے کا دھاگہ باندھا

اور زمین سے آسمان کی طرف دھکا دے دیا 

نہیں میری جان 

ایسے تھوڑی چھوڑتے ہیں

آؤ ! میں تمہیں چھوڑنا سکھاتا ہوں

دیکھو 

میری پلکوں پہ رکا ہوا یہ آنسو دیکھو

یہ کتنے آرام سے

میری آنکھ کا دامن ہمیشہ کے لیے چھوڑ جائے گا

تم نے کبھی ندی میں چراغ چھوڑے ہیں؟

کچھ تعلق عریضوں کی طرح ہوتے ہیں

جنہیں بہت آہستگی سے

بہت محبت سے

دعاؤں کے ساتھ

عریضوں کی طرح بہا دیا جاتا ہے

تم مجھے جانتی ہو

لیکن تم یہ نہ جان سکیں

میں کوئی شخص نہیں تھا

عریضہ تھا

میں محبت اور بھروسے کا دیا تھا

وہ دیا

جسے اجنبیوں کے سامنے جلا کر توہین کی گئی

مولا تمھاری معصومیت کو روشن رکھیں

مگر

تمہیں ایک بات نہیں معلوم

دئیے کی توہین 

مولا کو سخت نا پسند ہے 

تمہیں چھوٹے بچے بہت پیارے ہیں

تمہیں علی اصغر کی قسم

تمہیں جتنا بھی پیار آئے

کبھی کسی بچے کو ہوا میں مت اچھالنا 

کیونکہ

تمہیں چھوڑنا نہیں آتا 

Tum Buhat Masoom Ho

Itni Masoom

K Tumhain To Yeh Tak Nahi Maloom

K kisi ko Chora Kese Jata Hay

Taulluq Ghubaron Ki Tarah Nahi Hotay

K Mahabbat Ki gase bhari

Bharosay ka Dhaga Bandha

Aur Zameen Say Aasman Ki Taraf Dhakka De Dia

Nahi Meri Jaan

Aiese Thori Chorte Hain !

Aao ! Main Tumhain Chorna Sikhata Hon

Dekho !

Meri Palkon Pe Ruka Hua yeh Anso dekho

Yeh Kitne Aaram Say

Meri Aankh Ka Daman hamaisha Kay Liye Chor Jaye Ga !

Tum Nay Kabhi Nadi Mein Charagh Chore Hain?

Kuch Taulluq Areezon Ki Tarah Hote Hain

Jinhain Buhat Ahistagi Say

Buhat Mahabbat Say

Duaaon Kay Sath

Areezon Ki Tarah Baha Dia Jata Hay

Tum Mujhe Janti Ho

Lekin Tum Yeh Na Jaan Sakin

Main Koi Shakhs Nahi Tha

Areeza Tha

Main Mahabbat Aur Bharosay Ka Diya 🪔 tha

Wo Diya 🪔

Jisay Ajnabion Kay Samne Jala Kar Touheen Ki Gayi

Moula Tumhari Masomiat Ko Roshan Rakhain

Magar Tumhain Aik Bat Nahi Maloom

Diye Ki Touheen!

Moula Ko Sakht Na Pasand Hay !!!

Tumhain Chote Bache Buhat Pyare Hain

Tumahin Ali Asghar Ki Qasam!

Tumhain Jitna bhi Pyaar Aaye

Kabhi kisi Bache Ko Hawa Mien Mat uchaalna!!

Kiun k !

Tumhain Chorna Nahi Aata !!

Ali Zaryoun