Badakharon ke darmiyan saqi
Kuch masail ulajh gaye honge
Jab teri zulf khul gayi hogi
Sab yaqeenan sulajh gaye honge
Yeh he mehkada yahan rind hain
Yahan sab ka saqi imam he
Gham-i zamana bohat ihteram karta he
Mehkadah he yahan sukoon se baith
Koi aafat idhar nahi aati
Yeh saqi ki karamat he
Ke faiz-i mehparasti he
Ghata ke bhais mein mehkhane pe
Rehmat barasti he
Jise pee ke bazm-i rindan sar-i arsh jhoomti he
Woh sharaab aaj saqi tere ghar baras rahi he
Aray kayi bar doobe, kayi bar ubhre
Kayi bar tufan main chakkar lagaye
Tumhare takhayul nay aisa duboya
Bohat koshishen magar ubharne na paye
Kayi bar tufan se takrai kashti
Kayi bar takra ke sahil pe aye
Talash-e-talab mein woh lazzat mili he
Dua kar raha hoon ke manzil na aye
Yeh kis ki nigahon ne saghar pilaye
Khudi par meri bekhudi ban ke chaye
Khabardar aye dil, maqam-e-adab he
Kahin bada noshi pe dhabba na aye
Kuch is ada se karishme dekhaye jate hain
Ada shanas bhi dhoke mein aye jate hain
Hamara haal toh dekha, hamara zarf bhi dekh
Nigah uthti nahi, gham uthaye jate hain
Yeh mehkada he tera madrasa nahi waiz
Yahan sharaab se insan banaye jate hain
Pehle toh shaikh ne zara dekha idhar udhar
Phir sar jhuka ke dakhil-i mehkhana hogaya
Kuch soch ke shama pe parwana jala hoga
Shayad isi jalne mein jeene ka maza hoga
Jis waqt yeh meh tu ne botal mein bhari hogi
Saqi tera masti se kiya haal hua hoga
Mehkhane se masjid tak paye gaye naqsh-i pa
Ya shaikh gaya hoga ya rind gaya hoga
Are jhoom jhoom ke la, muskara ke la
Phoolon ke rasm-e chaand ki kirnein mila ke la
Kehte hain umr-e rafta kabhi laut ti nahi
Ja mehkade se meri jawani utha ke la
Saqi ki har nigah pe bal kha ke peegaya
Maujon se khailta hua lehra ke peegaya
Aur peeta baghair izn yeh kab thi meri majal
Dar pardah chashm-i yaar ki sheh pa ke peegaya
Aye rehmat-i tamam, meri har khata ma’af
Mein inteha-i shauq mein ghabra ke peegaya
Tauba ko tor tar ke ghabra ke peegaya
Yeh sab samjhane wale mujhe samjha ke rehgaye
Laikin mein aik aik ko samjha ke peegaya
Sheesha bhi bohat wasf o hunar rakhta he
Asraar-i nehufta ki khabar rakhta he
Rindon mein bhi milte hain allah wale
Nasha bhi bari tez nazar rakhta he
He mehkade ka khaas maqamat mein shumar
Jo rind bhi mila woh humein parsa mila
Khula na hota agar mehkade ka darwaza
Toh roshni ke liye hum kidhar gaye hotay
Yeh ghalat he sharaab ki tarif
Is ka zehnon pe raj hota hai
Sirf hiddat sharab deti hai
Are baqi apna mizaj hota hai
Har ranj ko khafif tabassum se taal de
Nazil ho koi barq toh saghar uchal de
Tu jam mein sharaab ko mat daal saqiya
Is ko bara-i rast mere dil mein daal de
Are bol meethe, nazar nashili he
Mein ne to mehkadon se pee li he
Mein ne thori se paish ki thi magar
Sheikh ne behisab pee li hai
Yahan sab ka saqi imam he
Jari hein roshni mein do sarmadi lakirein
Aik jaam ja raha he, aik jaam aa raha he
Bari haseen he zulfon ki shaam pee lijiye
Hamare haath se do char jam pee lijiye
Aur pilaye jab koi mashooq apne hathon se
Sharab phir nahi rehti haram pee lijiye
Aks-i jamal-i yaar bhi kiya tha ke deyr tak
Aine umrion ki tarah bolte rahe
Kal mehkade mein rind tawazun na rakh sake
Khat-i subooh pe kon-o-makan dolte rahe
Hum muttaqi-i shehr-i kharabat raat bhar
Tasbih-i zulf-i seen tana rolte rahe
Agarcheh banda nawazi ki tujh mein boo hoja
Kasam khuda ki khudai mein tu hi tu hoja
Agar baghair tere mehkashi karoon saqi
Sharaab jaam mein ate hi bas lahu hoja
Aur wuzoo sharab se kar ke sharaab khane mein
Namaaz jab parhon saqi imam tu hoja
Yeh he mehkadah yahan rind hain
Yeh haram nahi aye shaikh ji
Yahan parsai haram he
Peena haram he na pilana haram he
Peene ke baad hosh mein ana haram he
Likha hua he pir-i mughan ki dukan par
Kamzarf ko pilana haram he
Jo zara si pee ke behak gaya
Use mehkade se nikal do
Are yahan kamnazar ka guzar nahi
Yahan ahl-e zarf ka kaam he
Sharab ka koi apna sarhi rang nahin
Sharab tajziya o ihtesaab karti he
Jo ahl-e dil hain barhati he abru on ki
Jo beshaoor hain unko kharab karti he
Yeh janab-i shaikh ka falsafa
Jo samajh mein meri na aa saka
Jo wahan piyo to halal he
Jo yahan piyo to haram he
Are patti patti gulab hojati
Har kali mehv-i khawab ho jati
Tum ne dali na mehfashan nazrein
Warna shabnam sharab hojati
Yeh janab-i shaikh ka falsafa
Jo samajh mein meri na aa saka
Jo wahan piyo to halal he
Jo yahan piyo to haram he
Read in Urdu click the link below:
https://www.newfatimablog.com/2021/01/ye-hai-maykada-yahan-rind-hain-in-urdu.html
0 Comments