Gham hai ya khushi hai to meri zindagi hai to URDU POETRY NASIR KAZMI

غم ہے یا خوشی ہے تو

میری زندگی ہے تو

آفتوں کے دور میں

چین کی گھڑی ہے تو

میری رات کا چراغ

میری نیند بھی ہے تو

میں خزاں کی شام ہوں

رت بہار کی ہے تو

دوستوں کے درمیاں

وجہ دوستی ہے تو

میری ساری عمر میں

ایک ہی کمی ہے تو

میں تو وہ نہیں رہا

ہاں مگر وہی ہے تو

ناصرؔ اس دیار میں

کتنا اجنبی ہے تو

ناصر کاظمی

 gham hai ya khushi hai to
meri zindagi hai to


aafton ke daur mein
chain ki ghari hai to


meri raat ka chairag
meri neend bhi hai to


mein khizaa ki shaam hon
ruut bahhar ki hai to


doston ke darmia
wajah dosti hai to


meri saari Umar mein
aik hi kami hai to


mein to woh nahi raha
haan magar wohi hai to


ناصرؔ is deyaar mein
kitna ajnabi hai to


nasir kazmi