Har Waqt Tasawwur Mein Madinay ki gali ho
Aur yaad Muhammad ki meray dil mein basi ho
Jab aaon Madinay main to ho chaak girebaan
Ankhon se barasti hui ashkon ki jhadi ho
Ae kaash main ban jaaon Madinay ka musafir
Phir roti hui Taiba ko baraat chali ho
Ae kaash Madinay main mujhe maut yun aaey
Qadmon main teray sar ho meri rooh chali ho
Jis waqt nakeerain meri qabar main aayen
Us waqt mere lab pe saji Naat e Nabi ho
Allah karam aisa kare tujhpe jaha(n) me
Ae Dawateislami teri dhoom machi ho
Aaqa ka gadaa hun Ae jahannam tu bhi sun lay
Wo kaise jale jo ke Ghulam e Madani ho
Aaqa ki shafa’at se to jannat hi milegi
Ae kash ke qadmo(n) main jaga unke mili ho
Mehfooz sada rakhna shaha be adabo(n) se
Aur mujh se bhi sarzad na kabhi be adabi ho
Attar hamara hai isay hashr main ae kaash
Dast e shah e batha sai yehi chithi mili ho
2 Comments
Thanks for sharing. Allah will bless you for guiding and teaching information about
ReplyDeleteLearn Quran With Tajweed
Absolutely posting! Lots of useful information and inspiration, both of which we all need!Relay appreciate your work.
ReplyDeletedars-e-nizami