Tum sy pehlay bhi yahan aik shakhs taht nasheen tha Habib Jalib

Tum sy pehlay bhi yahan aik shakhs taht nasheen tha 

us ko bhi apnay khuda honay ka yaqeen tha

تم سے پہلے بھی جو اِک شخص یہاں تخت نشیں تھا

اُس کو بھی اپنے خدا ہونے کا اِتنا ہی یقیں تھا

کوئی ٹھہرا ہو جو لوگوں کے مقابل تو بتاؤ

وہ کہا ں ہیں کہ جنھیں ناز بہت اپنے تئیں تھا

آج سوئے ہیں تہِ خاک نہ جانے یہاں کتنے

کوئی شعلہ کوئی شبنم کوئی مہتاب جبیں تھا

اَب وہ پِھرتے ہیں اِسی شہر میں تنہا لیے دِل کو

اِک زمانے میں مزاج اُن کا سرِ عرشِ بریں تھا

چھوڑنا گھر کا ہمیں یاد ہے جالب نہیں بھولے

تھا وطن ذہن میں اپنے کوئی زِنداں تو نہیں تھا

 حبیب جالب

                             Habib Jalib Poetry