ﺍﮮ ﺷﮩﺮِ ﻋﻠﻢ ﻭ ﻋﺎﻟﻢِ ﺍﺳﺮﺍﺭِ ﺧﺸﮏ ﻭ ﺗﺮ
ﺗﻮ ﺑﺎﺩﺷﺎﮦِ ﺩﯾﮟ ﮨﮯ۔۔ ﺗﻮ ﺳﻠﻄﺎﻥِ ﺑﺤﺮ ﻭ ﺑﺮ
ﺍﺩﺭﺍﮎ ﻭ ﺁﮔﮩﯽ ﮐﯽ ﺿﻤﺎﻧﺖ ﺗﺮﺍ ﮐﺮﻡ۔۔ !
ﺍﯾﻘﺎﻥ ﻭ ﺍﻋﺘﻘﺎﺩ ﮐﺎ ﺣﺎﺻﻞ ﺗﺮﯼ ﻧﻈﺮ
ﺗﯿﺮﮮ ﺣﺮﻭﻑ ﻧﻄﻖِ ﺍﻟٰﮩﯽ ﮐﺎ ﻣﻌﺠﺰﮦ !
ﺗﯿﺮﯼ ﺣﺪﯾﺚ ﺳﭻ ﺳﮯ ﺯﯾﺎﺩﮦ ﮨﮯ ﻣﻌﺘﺒﺮ
ﻗﺮﺁﮞ ﺗﺮﯼ ﮐﺘﺎﺏ، ﺷﺮﯾﻌﺖ ﺗﺮﺍ ﻟﺒﺎﺱ
ﺗﯿﺮﯼ ﺯﺭﮦ ﻧﻤﺎﺯ ﮨﮯ، ﺭﻭﺯﮦ ﺗﺮﯼ ﺳﭙﺮ
ﯾﮧ ﮐﮩﮑﺸﺎﮞ ﮨﮯ ﺗﯿﺮﮮ ﻣﺤﻠﮯ ﮐﺎ ﺭﺍﺳﺘﮧ !
ﺗﺎﺭﻭﮞ ﮐﯽ ﺭﻭﺷﻨﯽ ﮨﮯ ﺗﺮﯼ ﺧﺎﮎِ ﺭﮨﮕﺬﺭ
ﻣﯿﺮﯼ ﻧﻈﺮ ﻣﯿﮟ ﺧﻠﺪ ﺳﮯ ﺑﮍﮪ ﮐﺮ ﺗﺮﯼ ﮔﻠﯽ
ﺭﻓﻌﺖ ﻣﯿﮟ ﻣﺜﻞِ ﻋﺮﺵِ ﺑﺮﯾﮟ ﺗﯿﺮﮮ ﺑﺎﻡ ﻭ ﺩﺭ
ﺟﺒﺮﯾﻞ ﺗﯿﺮﮮ ﺩﺭ ﮐﮯ ﻧﮕﮩﺒﺎﮞ ﮐﺎ ﮨﻢ ﻣﺰﺍﺝ
ﺑﺎﻗﯽ ﻣﻼﺋﮑﮧ ﺗﯿﺮﯼ ﮔﻠﯿﻮﮞ ﮐﮯ ﮐﻮﺯﮦ ﮔﺮ
ﻣﺤﻔﻮﻅ ﺟﺲ ﻣﯿﮟ ﮨﻮ ﺗﯿﺮﮮ ﻧﻘﺶِ ﻗﺪﻡ ﮐﺎ ﻋﮑﺲ
ﮐﯿﻮﮞ ﺁﺳﻤﺎﮞ ﮐﺎ ﺳﺮ ﻧﮧ ﺟﮭﮑﮯ ﺍﯾﺴﯽ ﺧﺎﮎ ﭘﺮ؟
ﮐﯿﺎ ﺷﺌﮯ ﮨﮯ ﺑﺮﻕ، ﺗﺎﺑﺶِ ﺟَﺴﺖِ ﺑﺮﺍﻕ ﮨﮯ
ﻣﻌﺮﺍﺝ ﮐﯿﺎ ﮨﮯ ۔۔ ﺻﺮﻑ ﺗﯿﺮﯼ ﺳﺮﺣﺪِ ﺳﻔﺮ
ﻣﻮﺝِ ﺻﺒﺎ ﮐﻮ ﮨﮯ ﺗﺮﯼ ﺧﻮﺷﺒﻮ ﮐﯽ ﺟﺴﺘﺠﻮ
ﺟﯿﺴﮯ ﮐﺴﯽ ﮐﮯ ﺩﺭ ﮐﯽ ﺑﮭﮑﺎﺭﻥ ﮨﻮ ﺩﺭﺑﺪﺭ
ﻗﺎﻣﺖ ﺗﺮﺍ ﮨﮯ ﺭﻭﺯِ ﻗﯿﺎﻣﺖ ﮐﺎ ﺁﺳﺮﺍ
ﺧﻮﺭﺷﯿﺪِ ﺣﺸﺮ، ﺍﯾﮏ ﻧﮕﯿﮟ ﺗﯿﺮﮮ ﺗﺎﺝ ﭘﺮ
ﮨﺮ ﺭﺍﺕ ﺗﯿﺮﮮ ﮔﯿﺴﻮﺋﮯ ﻋﻨﺒﺮ ﻓﺸﺎﮞ ﮐﯽ ﯾﺎﺩ
ﺗﯿﺮﮮ ﻟﺒﻮﮞ ﮐﯽ ﺁﺋﯿﻨﮧ ﺑﺮﺩﺍﺭ ﮨﮯ ﺳﺤﺮ !
ﺁﯾﺎﺕ ﺗﯿﺮﮮ ﺣﺴﻦِ ﺧﺪ ﻭ ﺧﺎﻝ ﮐﯽ ﻣﺜﺎﻝ
ﻭﺍﻟﻠﯿﻞ ﺗﯿﺮﯼ ﺯﻟﻒ ﮨﮯ ﺭﺧﺴﺎﺭ ﻭﺍﻟﻘﻤﺮ
ﻭﺍﻟﻌﺼﺮ ﺯﺍﻭﯾﮧ ﮨﮯ ﺗﯿﺮﯼ ﭼﺸﻢِ ﻧﺎﺯ ﮐﺎ
ﻭﺍﻟﺸﻤﺲ ﺗﯿﺮﯼ ﮔﺮﻣﺊ ﺍﻧﻔﺎﺱ ﮐﺎ ﺷﺮﺭ
ﯾٰﺴﯿﻦ ﺗﯿﺮﮮ ﻧﺎﻡ ﭘﮧ ﺍﻟﮩﺎﻡ ﮐﺎ ﻏﻼﻑ
ﻃٰﮧ ﺗﺮﺍ ﻟﻘﺐ ﮨﮯ، ﺷﻔﺎﻋﺖ ﺗﺮﺍ ﮨﻨﺮ
ﮐﮩﺴﺎﺭ ﭘﺎﺵ ﭘﺎﺵ ﮨﯿﮟ ﺍﺑﺮﻭ ﮐﯽ ﺿﺮﺏ ﺳﮯ
ﻭﻭ ﻟﺨﺖ ﭼﺎﻧﺪ ﮨﮯ ﺗﺮﮮ ﻧﺎﺧﻦ ﮐﯽ ﻧﻮﮎ ﭘﺮ
ﺩﺭﯾﺎ ﺗﺮﮮ ﮐﺮﻡ ﮐﯽ ﻃﻠﺐ ﻣﯿﮟ ﮨﯿﮟ ﺟﺎﮞ ﺑﮧ ﻟﺐ
ﺻﺤﺮﺍ ﺗﺮﮮ ﺧﺮﺍﻡ ﮐﯽ ﺧﺎﻃﺮ ﮐﻤﺎﮞ ﺑﮧ ﺳﺮ !
ﺗﯿﺮﺍ ﻣﺰﺍﺝ ﺑﺨﺸﺶِ ﭘﯿﮩﻢ ﮐﯽ ﺳﻠﺴﺒﯿﻞ
ﺗﯿﺮﯼ ﻋﻄﺎ ﺧﺰﺍﻧۂ ﺭﺣﻤﺖ ﮨﮯ ﺳﺮ ﺑﮧ ﺳﺮ
ﺗﯿﺮﮮ ﻓﻘﯿﺮ ﺍﺏ ﺑﮭﯽ ﺳﻼﻃﯿﻦِ ﮐﺞ ﮐﻼﮦ
ﺗﯿﺮﮮ ﻏﻼﻡ ﺍﺏ ﺑﮭﯽ ﺯﻣﺎﻧﮯ ﮐﮯ ﭼﺎﺭﮦ ﮔﺮ
ﯾﮧ ﺑﮭﯽ ﻧﮩﯿﮟ ﮐﮧ ﻣﯿﺮﺍ ﻣﺮﺽ ﻻﻋﻼﺝ ﮨﻮ !
ﯾﮧ ﺑﮭﯽ ﻧﮩﯿﮟ ﮐﮧ ﺗﺠﮫ ﮐﻮ ﻧﮩﯿﮟ ﮨﮯ ﻣﺮﯼ ﺧﺒﺮ !!
ﮨﺎﮞ ﭘﮭﺮ ﺳﮯ ﺍﯾﮏ ﺟﻨﺒﺶِ ﺍﺑﺮﻭ ﮐﯽ ﺑﮭﯿﮏ ﺩﮮ
ﮨﺎﮞ ﭘﮭﺮ ﺳﮯ ﺍﮎ ﻧﮕﺎﮦِ ﮐﺮﻡ ﻣﯿﺮﮮ ﺣﺎﻝ ﭘﺮ
ﺳﺎﯾﮧ ﻋﻄﺎ ﮨﻮ ﮔﻨﺒﺪِ ﺧﻀﺮﯼٰ ﮐﺎ ﺍﯾﮏ ﺑﺎﺭ
ﺟﮭﻠﺴﺎ ﻧﮧ ﺩﮮ ﻏﻤﻮﮞ ﮐﯽ ﮐﮍﯼ ﺩﮬﻮﭖ ﮐﺎ ﺳﻔﺮ
ﺗﯿﺮﮮ ﺳﻮﺍ ﮐﻮﺋﯽ ﺑﮭﯽ ﻧﮩﯿﮟ ﮨﮯ ﺟﮩﺎﮞ ﭘﻨﺎﮦ !
ﮨﻮ ﺟﺲ ﮐﺎ ﻧﺎﻡ ﺑﺎﻋﺚِ ﺗﺴﮑﯿﮟ ﭘﺌﮯ ﺟﮕﺮ
ﻣﺤﺴﻦ، ﮐﮧ ﺗﯿﺮﯼ ﺭﺍﮨﮕﺬﺭ ﮐﺎ ﻓﻘﯿﺮ ﮨﮯ !
ﺍُﺱ ﭘﺮ ﮐﺮﻡ۔۔ ﺩﯾﺎﺭِ ﻧﺒﻮﺕ ﮐﮯ ﺗﺎﺟﻮﺭ
ﺩﮮ ﺭﺯﻕِ ﻧﻄﻖ ﻣﺠﮫ ﮐﻮ ﺑﻨﺎﻡِ ﻋﻠﯽ ﻭﻟﯽ
ﯾﺎ ﺑﮩﺮِ ﻓﺎﻃﻤﮧ ﻭﮦ ﺗﺮﺍ ﭘﺎﺭۂ ﺟﮕﺮ
ﺣﺴﻨﯿﻦ ﮐﮯ ﻃﻔﯿﻞ ﻋﻄﺎ ﮐﺮ ﻣﺠﮭﮯ ﺑﮩﺸﺖ
ﻣﯿﺮﯼ ﺩﻋﺎ ﮐﮯ ﺭﺥ ﭘﮧ ﭼﮭﮍﮎ ﺷﺒﻨﻢِ ﺍﺛﺮ
ﺗﯿﺮﮮ ﺳﻮﺍ ﺩﻋﺎ ﮐﮯ ﻟﯿﮯ ﮐﺲ ﮐﺎ ﻧﺎﻡ ﻟﻮﮞ؟
" ﺑﻌﺪ ﺍﺯ ﺧﺪﺍ ﺑﺰﺭﮒ ﺗﻮﺋﯽ ﻗﺼﮧ ﻣﺨﺘﺼﺮ
0 Comments