نعت رسول مقبول ﷺ
اج سک متراں دی ودھیری اے
کیوی دلڑی اداس گھنیری اے
اج سک متراں دی ودھیری اے
لوں لوں وچہ شوق چنگری اے
اج نیناں لایاں کیوں جھڑیاں
مکھ چند بدر شعشانی اے
متھے چمکے لاٹ نورانی اے
کالی زلف تے اکھ مستانی اے
مخمور اکھیں ہن مدھ بھریاں
اس صورت نوں میں جان آکھاں
جاناں کہ جان جہان آکھاں
سچ آکھاں تے رب دی شان آکھاں
جس شان توں شاناں سب نبیاں
تو به راه که عین حقیقت دا
و سے صورت راہ بے صورت دا
پر کم نہیں بے سو جھت دا
کوئی ورلیاں موتی لے تریاں
ایہا صورت شالا پیش نظر
رہے وقت نزع تے روز حشر
وچہ قبر تے پل تھیں جد ہوی گزر
سب کھوٹیاں تھیسن تد کھریاں
لا ہو مکھ توں مخطط بردین
من بھانوری جھلک دکھلاؤ سجن
دو جگ رکھیں راہ درفرش کرن
سب انس و ملک حوراں پریاں
سبحان الله ما اجملک احسنک ما اکملک
کتھے مہر علی کتھے تیری ثناء مشتاق اکھیں کتھے جا اڑیاں
0 Comments