Khuda ka Zikr Kare | Zikre Mustafa Na Karay | Rabi ul Awal Naat 2024 | Syida Fatima

خدا کا ذکر کرے ذکر مصطفیٰؐ نہ کرے

ہمارے منہ میں ہو ایسی زباں خدا نہ کرے

در رسول پہ ایسا کبھی نہیں دیکھا

کوئی سوال کرے اور وہ عطا نہ کرے

کہا خدا نے شفاعت کی بات محشر میں

مرا حبیب کرے کوئی دوسرا نہ کرے

مدینے جا کے نکلنا نہ شہر سے باہر

خدانخواستہ یہ زندگی وفا نہ کرے

اسیر جس کو بنا کر رکھیں مدینے میں

تمام عمر رہائی کی وہ دعا نہ کرے

شعور نعت بھی ہو اور زبان بھی ہو ادیبؔ

وہ آدمی نہیں جو ان کا حق ادا نہ کرے