Khudaya Fazal Farma Dil Badal Dy | میرا غفلت میں ڈوبا دل بدل دے | Syida Fatima

نعت رسول مقبول 

میرا دل بدل دے

میرا غفلت  میں ڈوبا دل بدل دے

 ہوا و حرص  والا دل بدل دے 

خدایا فضل فرما دل بدل دے

 بدل دے دل کی دنیا دل بدل دے 

گناہ گاری میں کب تک عمر کاٹوں

 بدل دے میرا رستہ دل بدل دے 

سنوں میں نام تیرا دھڑکنوں میں 

مزا آ جائے مولا دل بدل دے

 بنالوں آنکھ اپنی ماسوا سے

 جیوں میں تیری خاطر دل بدل دے

کروں قربان اپنی ساری خوشیاں

 تو اپنا کرم  عطا کر دل بدل دے

 پڑا ہوں تیرے در پردل شکستہ

 رہوں کیوں دل شکستہ دل بدل دے 

تیرا ہو جاؤں اتنی آرزو ہے

 بس اتنی ہے تمنا دل بدل دے 

میری فریاد سن لے میرے مولا

 بنا لے اپنا بندہ دل بدل دے